ԸՆԿԵՐՈՒԹՅԱՆ ԾՐԱԳԻՐ

ՍԵՓԱԿԱՆ ՄԻՋՈՑՆԵՐՈՎ ԻՐԱԿԱՆԱՑՎՈՂ ՀԻՓՈԹԵՔԱՅԻՆ ՎԱՐԿԱՎՈՐՄԱՆ ԾՐԱԳԻՐ

Սեփական միջոցներով իրականացվող հիփոթեքային վարկավորման ծրագրի նպատակն է անշարժ գույք ձեռք բերումը, վերանորոգումը կամ այլ հիփոթեքային վարկերի վերաֆինանսավորումը:

Վարկի գումարը` սկսած 3,000,000 ՀՀ դրամից, սակայն ոչ ավել քան անշարժ գույքի գնահատված արժեքի 70%-ը,
Վարկի արժույթը՝  ՀՀ դրամ,
Ժամկետը՝ ձեռք բերելու և վերաֆինանսավորելու դեպքում մինչև 20 տարի, իսկ վերանորոգելու դեպքում մինչև 15 տարի,
Տարեկան տոկոսադրույքը՝ 13,5% (փաստացի տոկոսադրույքը՝ 14.9%-17.95%),

Վարկի սպասարկման ամսական վարձավճար՝ 1700 ՀՀ դրամ,
Ապահովվածությունը` բնակելի անշարժ գույքի գրավադրում, բավարար եկամտի աղբյուր, վարկառուի դժբախտ պատահարներից ապահովագրություն վարկի մնացորդ գոմարի չափով և գրավադրվող գույքի ապահովագրություն յուրաքանչյուր տարի ՝ գույքի գնահատված շուկայական արժեքի չափով

• Վարկերի ձևակերպման համար գանձվում է վարձավճար վարկի գումարի 0.8%-ի չափով, այն պետք է կազմի ոչ պակաս քան 75,000 ՀՀ դրամ
• Պայմանագրով նախատեսված վարկային պարտավորության վաղաժամկետ մարման դեպքում Վարկառուի հանդեպ տուժանք կամ այլ լրացուցիչ վճարներ չեն կիրառվում եթե Վարկառուն պայմանագրային տարվա /նույն պայմանագրի կնքման ամսաթվին հաջորդող յուրաքանչյուր 12-ամսյա ժամանակահատվածում/ որևէ պահի վաղաժամկետ մարում է այդ պայմանագրային տարվա համար Հավելված 1-ում նշված ժամանակացույցի համաձայն մարման ենթակա վարկի մայր գումարը։ Այդ դեպքում վարկառուն իրավունք ունի Ընկերությունից պահանջել, որ ՀՀ Կենտրոնական բանկի սահմանված կարգով վերահաշվարկվեն վաղաժամկետ մարված գումարի նկատմամբ հաշվարկված և ժամանակացույցի համաձայն վճարման ենթակա տոկոսների գումարները և վարկառուն այդ պայմանագրային տարվա մնացած ժամանակահատվածում տոկոսներ վճարի վերահաշվարկված չափով։
• Սույն 1-ին կետում նշված չափից ավելի վաղաժամկետ մարված գումարի համար Վարկառուից գանձվում է միանվագ տուգանք՝ հետևյալ չափերով՝
• ա) վարկի վաղաժամկետ մարված գումարի 0.6 տոկոսի չափով, եթե վաղաժամկետ մարումը տեղի է ունենում սույն պայմանագրի գործողության առաջին տարվա ընթացքում,բ) վարկի վաղաժամկետ մարված գումարի 0.4 տոկոսի չափով, եթե վաղաժամկետ մարումը տեղի է ունենում սույն պայմանագրի գործողության երկրորդ տարվա ընթացքում,գ) վարկի վաղաժամկետ մարված գումարի 0.2 տոկոսի չափով, եթե վաղաժամկետ մարումը տեղի է ունենում սույն պայմանագրի գործողության երրորդ տարվա ընթացքում, բացառությամբ ապահովագրական դեպքերի ի հայտ գալուն: 4-րդ տարվանից սկսած ավել մարումների համար տուգանքներ չեն գանձվում:
• Վարկառուի կողմից վարկի մարմանն ուղղված` հերթական մարումից ավելի կատարված վճարումներն Ընկերությունն ուղղում է վարկի մնացորդի գումարի մարմանը, եթե Վարկառուի կողմից գրավոր այլ կարգադրություն (կամ վճարման հանձնարարական) չի ստացել: Եթե Վարկառուի կողմից վարկի մարմանն ուղղված` հերթական մարումից ավելի կատարված վճարումները վարկի մայր գումարի մարմանն ուղղելու արդյունքում Վարկառուն կենթարկվի իր պայմանագրով նախատեսված տույժի և (կամ) տուգանքի, ապա հերթական մարումից ավելի կատարված վճարումները Ընկերությունը կարող է ուղղել վարկի գումարի մարմանը միայն Վարկառուի համաձայնությամբ։
• Վարկի գումարը և հաշվարկված տոկոսները սահմանված ժամկետներում չվճարելու դեպքում ժամկետանց յուրաքանչյուր օրվա համար հաշվարկվում է տույժ՝ ժամկետանց գումարի 0.13%-ի չափով
• Վարկառուն պետք է վճարի վարկը և տոկոսագումարները ամսական: Տոկոսագումարները հաշվարկվում են օրական վարկի մնացորդ գումարից՝ տարին ընդունելով 365 օր:
• Վարկը տրամադրվում է անկանխիկ
• Վարկի տրամադրման կամ մերժման որոշումը սովորաբար կայացվում է 3 աշխատանքային օրվա ընթացքում

Լրացնել սպառողական վարկի հայտ

✓ Վարկային պատմության էությունը 

«Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի համաձայն վարկային պատմությունը հաճախորդի կողմից ստանձնած ֆինանսական պարտավորությունների, վերջինների կատարման վերաբերյալ տեղեկությունների ամբողջությունն է, որը հավաքվում և պարբերաբար նորացվում է:

Վարկային պատմությունը պարունակում է պարտքերի, վճարումների, վճարումների կատարման վերաբերյալ 5 տարվա վաղեմությամբ տեղեկատվություններ, այն ազդում է վարկի գծով որոշումների կայացման վրա։

Վարկային պատմության մեջ սխալ կամ թերի տվյալների առկայության դեպքում, համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 20-րդ հոդվածի, վարկառուն կարող է այդ մասին տեղեկացնել վարկային բյուրոյին կամ ուղղակիորեն դիմել տեղեկատվություն տրամադրող ֆինանսական կազմակերպություններին վերջինիս պարզաբանման և ուղղման նպատակով:

✓ Վարկային պատմության բարելավման ուղղությունները

➢ իրականացնել ստանձնած պարտավորությունների գծով վճարումները ժամանակացույցին համաձայն.

➢ խուսափել վարկային ծանրաբեռնվածությունից և չհիմնավորված նոր վարկային հայտերից.

➢ խուսափել անվստահելի անձանց երաշխավորությունների տրամադրումից:

Մանրամասները՝ abcfinance.am և acra.am հղումներում։

 ✓ «Առաջին Հիփոթեքային Ընկերություն» ՍՊԸ-ի կողմից հաճախորդների վարկունակության գնահատման և վարկերի տրամադրման գծով որոշումներ կայացնելու գործընթացում վարկային ամփոփ գնահատական (սքոր) չի կիրառվում:

Մանրամասները՝ abcfinance.am և acra.am հղումներում։

ՀԱՐՑՈՒՄ ԿԱՏԱՐԵԼՈՒ ՀԱՄԱՁԱՅՆՈՒԹՅՈՒՆ

Վարկի անվանական տոկոսադրույքի և փաստացի տոկոսադրույքի տարբերությունը
Վարկի տոկոսագումարները հաշվարկվում են անվանական տոկոսադրույքի հիման վրա: Իսկ տարեկան փաստացի տոկոսադրույքը ցույց է տալիս, թե որքան կարժենա վարկը Ձեզ համար տոկոսագումարները և այլ վճարները սահմանված ժամկետներում և չափերով կատարելու դեպքում: Տարեկան փաստացի տոկոսադրույքը հաշվարկվում է հետևյալ բանաձևով

որտեղ՝
i – տարեկան փաստացի տոկոսադրույք
A – վարկի գումարը
N – վճարների թիվը
Kn- n-րդ վճարվող գումարը
Dn – վարկի տրամադրման օրից մինչև n-րդ վճարի կատարման օրը ընկած ժաանակահատվածը՝ արտահայտված օրերի թվով.
i –ն՝ տարեկան փաստացի տոկոսադրույքը կարող է հաշվարկվել, եթե հավասարման մյուս տվյալները հայտնի են կրեդիտավորման պայմանագրից կամ այլ կերպ:

ՙԱռաջին հիփոթեքային ընկերություն՚ Ուվկ ՍՊԸ-ի սեփական ռեսուրսներով բնակելի անշարժ գույքի ձեռքբերման հիփոթեքային վարկի տարեկան փաստացի տոկոսադրույքի հաշվարկի օրինակ

Ենթադրենք Դուք ուզում եք ստանալ բնակելի անշարժ գույքի ձեռքբերման հիփոթեքային վարկ հետևյալ պայմաններով
Բնակելի անշարժ գույքի ձեռքբերման գին 25,000,000 ՀՀ դրամ
Բնակելի անշարժ գույքի ձեռքբերման հիփոթեքային վարկի չափ` 12,000,000 ՀՀ դրամ
Բնակելի անշարժ գույքի ձեռքբերման հիփոթեքային վարկի ժամկետ ՝ 144 ամիս
Բնակելի անշարժ գույքի ձեռքբերման հիփոթեքային վարկի անվանական տարեկան տոկոսադրույքը` 10% հաստատուն:

Վարկի տրամադրման հետ կապված ծախսերն են.
Հայտի քննարկման վճար 3,000 ՀՀ դրամ
Գրավադրվող գույքի գնահատման ծառայության վճար` 18,000 ՀՀ դրամ
Միասնական տեղեկանք կադաստրից` 10,000 ՀՀ դրամ
Առք ու վաճառի հիփոթեքի պայմանագրի նոտարական վավերացման վճար` 20,000 ՀՀ դրամ
Անշարժ գույքի սեփականության և գրավի իրավունքի գրանցման պետական տուրք ` 75,000 ՀՀ դրամ
Վարկի ձևակերպման վճար, այդ թվում իրավաբանական ծախսեր` 120,000 ՀՀ դրամ
Գույքի ապահովագրություն` առաջին տարին 18,000 ՀՀ դրամ, ընդհամենը` 137,866 ՀՀ դրամ
Դժբախտ պատահարներից վարկառուի, համավարկառուի/ների ապահովագրություն` առաջին տարին 18,000 ՀՀ դրամ, ընդհամենը` 137,866 ՀՀ դրամ

Այս դեպքում վարկի փաստացի տարեկան տոկոսադրույքը կլինի 11.5%:

Հիփոթեքային վարկի սպասարկման համար վճարվող տոկոսագումարների վերադարձի պայմանները և կարգը

<<Առաջին Հիփոթեքային Ընկերություն>> ՈւՎԿ ՍՊԻ-ի սեփական ռեսուրսներով տրամադրվող բնակելի անշարժ գույքի ձեռքբերման վարկի տեղեկատվական ամփոփագիր

<<Առաջին Հիփոթեքային Ընկերություն>> ՈւՎԿ ՍՊԻ-ի սեփական ռեսուրսներով տրամադրվող բնակելի անշարժ գույքի վերանորոգման վարկի տեղեկատվական ամփոփագիր

<<Առաջին Հիփոթեքային Ընկերություն>> ՈւՎԿ ՍՊԻ-ի սեփական ռեսուրսներով տրամադրվող բնակելի անշարժ գույքի ձեռքբերման, վերանորոգման, կառուցապատման վարկերի վերաֆինանսավորման  վարկի տեղեկատվական ամփոփագիր