Պարտատոմսեր

Տեղեկացնում ենք, որ «Առաջին Հիփոթեքային Ընկերություն» ՈՒՎԿ ՍՊԸ-ն նախատեսում է 2017թ.-ի դեկտեմբերի 12-ին Հայաստանում առաջին անգամ իրականացնել ապահովված հիփոթեքային պարտատոմսերի թողարկում: Որպես տեղաբաշխող հանդես է գալիս ԱՐԱՐԱՏԲԱՆԿ ԲԲԸ-ն: Նշենք նաև, որ ՀՀ կենտրոնական բանկի նախագահի 2017թ. նոյեմբերի 29-ի թիվ 1/943Ա որոշմամբ գրանցվել է «Առաջին Հիփոթեքային Ընկերություն» ՈՒՎԿ ՍՊԸ ապահովված հիփոթեքային պարտատոմսերի ազդագիրը և ապահովման միջոց հանդիսացող ակտիվների ցանկը:

Պարտատոմսերի տեղաբաշխումն իրականացնվելու է 2017թ. դեկտեմբերի 12-ին «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ տեղաբաշխման համակարգով` մեկանգամյան աճուրդի անցկացման միջոցով, ընդ որում Պարտատոմսերի տեղաբաշխման աճուրդին անմիջապես կարող են մասնակցել միայն Բորսայի անդամները, որոնց ցանկը հասանելի է «ՆԱՍԴԱՔ ՕԷՄԷՔՍ ԱՐՄԵՆԻԱ» ԲԲԸ պաշտոնական կայքում` www.nasdaqomx.am: Բորսայի անդամ չհանդիսացող ներդրողները կարող են աճուրդին մասնակցել (օգտվել առաջարկից) Բորսայի անդամների միջոցով` վերջիններիս կողմից սահմանված կարգով և պայմաններով:

Թողարկվող պարտատոմսերի էական պայմաններն են.

Դասը	Առաջին տրանշ	Երկրորդ տրանշ
Թողարկման արժույթը	ՀՀ դրամ	ԱՄՆ դոլար
Անվանական արժեքը	10,000 ՀՀ դրամ	25 ԱՄՆ դոլար
Ընդհանուր ծավալը	100,000,000 ՀՀ դրամ	500,000 ԱՄՆ դոլար
Շրջանառության ժամկետը	24 ամիս	24 ամիս
Արժեկտրոնային տոկոսադրույքը	տարեկան 10.5%	տարեկան 6.5%
Արժեկտրոնների վճարման ամսաթվերը	12.03.2018թ., 12.06.2018թ., 12.09.2018թ., 12.12.2018թ., 12.03.2019թ., 12.06.2019թ., 12.09.2019թ., 12.12.2019թ.,
Պարտատոմսերի տարբերակիչ ծածկագիրը	AMFMGCB22ER1	AMFMGCB21ER3
Ապահովվածությունը	Հիփոթեքային վարկեր, որոնց մայր գումարի մնացորդը 01.11.2017թ. դրությամբ կազմում է 152,631,944 ՀՀ դրամ:	Հիփոթեքային վարկեր, որոնց մայր գումարի մնացորդը 01.11.2017թ. դրությամբ կազմում է 364,920,128 ՀՀ դրամ:
Տեղաբաշխող	ԱՐԱՐԱՏԲԱՆԿ ԲԲԸ

Թողարկվող պարտատոմսերի Ազդագրին կարող եք ծանոթանալ հետևյալ հղումով.

Պարտատոմսերի Թողարկման Ազդագիր

Պարտատոմսերի թողարկման և տեղաբաշխման մասին որոշում